ფირნიშები
    ფირნიშები

GLC ლოტო სიახლენი

სიახლენი


   

   

საზოგადოების გაზრდილი ინტერესიდან გამომდინარე, გვინდა გაგაცნოთ ინფორმაცია 2014 წლის 18 აპრილის ლოტოს რიგით 444-ე გათამაშებასთან დაკავშირებული მოვლენების შესახებ, კერძოდ, დეტალურად წარმოგიდგინოთ ამ მოვლენათა თანმიმდევრობა.


გათამაშება დაიწყო 18 აპრილს 20 საათსა და 40 წუთზე რუსთავი2-ის პირდაპირ ეთერში. ლოტოტრონიდან ბურთების „ჩამოყრა“ დაიწყო 20 საათსა და 41 წუთზე. მომგებიანი ექვსი ძირითადი და ერთი ბონუს რიცხვი გამოვლინდა 20 საათსა და 43 წუთზე. პროცედურის მიხედვით, მომგებიანი რიცხვების გამოვლენის შემდეგ, 20 საათსა და 44 წუთზე დაიწყო გათამაშებაში გამარჯვებული ბილეთების იდენტიფიკაციისა და შესაბამისი საპრიზო თანხების განსაზღვრის პროცესი, რაც ხორციელდება ლოტოს ცენტრალურ ელექტრონულ სისტემაში მომგებიანი რიცხვების შეყვანით და ინფორმაციის შემდგომი დამუშავებით ამ სისტემის მიერ. სწორედ ამ დროს, 20 საათსა და 44 წუთზე, უსაფრთხოების სისტემამ  დააფიქსირდა შეტყობინება მონაცემთა ბაზაში არასანქცირებული ცვლილების შესახებ, რამაც გამოიწვია გამარჯვებული ბილეთებისა და ამ ბილეთების საპრიზო თანხების დადგენის  პროცესის შეფერხება. ამის შედეგად, გათამაშების დროს პირდაპირ ეთერში ვერ მოესწრო გათამაშების შედეგების ცხრილის ჩვენება. გათამაშება დასრულდა 20 საათსა და 45 წუთზე. ინფორმაცია სისტემაში არასანქცირებული ცვლილების შესახებ დაუყოვნებლივ ეცნობა შესაბამის სამართალდამცავ ორგანოებს.

 

გათამაშების მომდევნო დღეს, 2014 წლის 19 აპრილის, 13 საათსა და 09 წუთზე, საქართველოს  ლატარიის  კომპანიის სატელეფონო ცენტრს დაუკავშირდა ქალბატონი სოფიო ყარალაშვილი. ოპერატორმა გადაამოწმა ბილეთის უნიკალური სერიული ნომერი და დაადასტურა ბილეთის მომგებიანობა. იმავე დღეს, მოგვიანებით ქალბატონ სოფიოს დაუკავშირდნენ საქართველოს ლატარიის კომპანიის წარმომადგენლები და მიულოცეს მას მოგება. ასევე, მოიწვიეს იგი პრეს-კონფერენციაზე, რომლიც უნდა გამართულიყო მომდევნო სამუშაო დღეს, სამშაბათს, 22 აპრილს.

 

გვინდა ხაზი გავუსვათ იმ გარემოებას, რომ 19 აპრილს ლატარიის კომპანიას ჰქონდა ინფორმაცია მხოლოდ სისტემაში არასანქცირებული ცვლილების შესახებ, თუმცა, არ არსებობდა საფუძველი, ეჭვქვეშ დაგვეყენებინა ჯეკპოტის ბილეთის მომგებიანობა. ჩვენ ვერ ვივარაუდებდით  მის გაყალბებას 19 აპრილის დღის მეორე ნახევრამდე, სანამ შინაგან საქმეთა სამინისტრო დაადასტურებდა, რომ არსებობს ჯეკპოტის მომგებიანი ბილეთის შესაძლო გაყალბების ეჭვი და ამ მიმართულებით მიმდინარეობს გამოძიება. 

 

გვინდა საზოგადოებას განვუმარტოთ ბილეთის გაყალბების სავარაუდო სქემა: ეჭვმიტანილ პირს სისტემაში არასანქცირებული ცვლილების შეტანა შეეძლო მხოლოდ მას შემდეგ, რაც 20 საათსა და 43 წუთზე დასრულდა ლოტოს მომგებიანი რიცხვების გამოვლენა და მან, ისევე, როგორც ლოტოს აღნიშნული გათამაშების მაყურებელმა, პირდაპირი ეთერის საშუალებით შეიტყო ეს მომგებიანი ციფრები. სავარაუდოდ, სწორედ ამ ინფორმაციის შეტყობის შემდეგ  ეჭვმიტანილმა პირმა შექმნა ლოტოს ბილეთების მონაცემთა ბაზაში ჯეკპოტის გამარჯვებული ელექტრონული ბილეთი და ამობეჭდა ის. ამ ეტაპზე მიმდინარეობს სწორედ ამ დეტალების გამოძიება. 

 

რაც შეეხება ჯეკპოტის თანხას, 561,176 ლარს, ის რეზერვირებულია კომპანიის სპეციალურ ანგარიშზე. საქართველოს ლატარიის კომპანია ელოდება გამოძიების დასრულებას. ბრალის დამტკიცების შემთხვევაში, თანხა დაბრუნდება ლოტოს საპრიზო ფონდში და დაემატება მომდევნო გათამაშებების საპრიზო თანხას. ხოლო თუ გამოძიების შედეგად დანაშაული არ დადასტურდა, თანხა გადაეცემა ჯეკპოტის გამარჯვებულს. 

 

ვამაყობთ იმით, რომ კომპანიის 4-წლიანი საქმიანობის განმავლობაში მოგების სახით 60 მლნ ლარზე მეტი გვაქვს გაცემული, რასაც ადასტურებს უამრავი ადამიანის სასიკეთოდ შეცვლილი ცხოვრება.

 


 

   

2014 წლის 18 აპრილს, პარასკევს, საქართველოს ლატარიის კომპანიამ დააფიქსირა სისტემაში უკანონოდ შეღწევის მცდელობა და ინფორმაცია უმოკლეს ვადებში მიაწოდა სამართალდამცავ ორგანოებს.

 

კომპანიას აქვს თანამედროვე, უსაფრთხოების რამდენიმე დონიანი სისტემა,  რომელიც უზრუნველყოფს სისტემაში არასანქცირებული შეღწევისა და ცვლილების მცდელობის მყისიერ აღმოჩენასა და შეტყობინებას.

 

მცდელობა აღმოფხვრილია და მომავალშიც, თაღლითობის ნებისმიერი მცდელობა მყისიერად იქნება აღმოჩენილი და უმოკლეს ვადებში აღკვეთილი.

 

ჩვენ დაველოდებით გამოძიების დასრულებას და დანაშაულის დამტკიცების შემთხვევაში ჯეკპოტის თანხას, 561,176 ლარს, დავამატებთ ლოტოს მომდევნო გათამაშებების საპრიზო ფონდს.

 

იხ. საქართველოს ლატარიის კომპანიის და შსს სამინისტროს ერთობლივი ბრიფინგი:

 

   

   

   

   

   


   

   

გვერდი 2 (10-დან)

<< დაწყება < წინა 1 2 3 4 5 6 7 8 9 10 შემდეგი > ბოლოს >>
BOTTOM ILLUSTRATION